Hindistonda fojia qurbonlari soni 270 kishidan oshdi
Mamlakat sog‘liqni saqlash vazirining maʼlum qilishicha, 220 kishi bedarak yo‘qolgan.
Vayanad tumanida 30 iyul, seshanba kuni kuchli yomg‘irdan keyin uchta ko‘chki sodir bo‘ldi – baʼzi hududlarda bir kun ichida 300 mm‘dan ortiq, o‘rtacha ko‘rsatkichdan besh baravar ko‘proq ko‘chki tushdi. Eruvajanji daryosi qirg‘oqlaridan toshib, o‘z yo‘nalishini o‘zgartirib, qishloqlarni, choy va boshqa plantatsiyalarni suv bosdi.
Qutqaruv operatsiyasi uch kundan beri davom etmoqda. Ammo bu noqulay ob-havo sharoiti va tepaliklar sabab qiyinlashmoqda.
The Guardian nashriga ko‘ra, Hindiston armiyasi jabrlangan hududdan 5500 dan ortiq odam, jumladan, yuzlab sayyohni evakuatsiya qildi. Ular chodir lagerlariga joylashtirildi.
Olimlarning qayd etishicha, iqlim o‘zgarishi sababli Hindistonda musson fasllari kuchayib bormoqda. Kuchli yog‘ingarchilik ko‘chki xavfini oshiradi. Mahalliy aholi tog‘li yerlarda ko‘proq uylar qurayotgani va o‘rmonlarni plantatsiyalar barpo etish uchun kesayotgani muammoni yana-da kuchaytirmoqda.
