Isroilda vazirlarga TikTokdan foydalanish taqiqlandi
Bu maʼlumotlar o‘g‘irlanishi xavfi bilan bog‘liq.
Isroilda vazirlar va ularning xodimlariga davlat telefonlariga xorijiy davlatlar tomonidan boshqariladigan ilovalarni o‘rnatish taqiqlandi.
Taqiq, xususan, TikTok IJtimoiy tarmog‘iga ham tegishli. Ushbu qonun loyihasi knesset aʼzosi Orit Farkash-Xakoen tomonidan kiritilgan.
Taqiq hukumat telefonlaridan maʼlumotlarni o‘g‘irlash xavfining oldini olishga qaratilgan. Maʼlumot olish mumkin bo‘lgan davlatlar qatorida Xitoy, Rossiya va Eronni tilga olingan.
Qonun loyihasi Milliy xavfsizlik kengashi, TikTok va Maxfiylik idorasi vakillarini o‘z ichiga olgan qo‘mita yig‘ilishida muhokama qilinganidan keyin taqdim etilgan.
