Nukus xalqaro aeroportiga qarshi ish qo‘zg‘atildi
Maʼlum bo‘lishicha, tanlov savdolarini o‘tkazishda qonun talablariga rioya qilinmagan.
Qayd etilishicha, Qoraqalpog‘iston Respublikasi Raqobat qo‘mitasi Nukus xalqaro aeroporti tomonidan amalga oshirilgan tanlov savdolarida qonun talablariga rioya qilingani yuzasidan o‘rganish ishlarini olib bordi.
O‘rganishlar natijasida, mazkur MCHJ Davlat xaridlari portal orqali amalga oshirgan 120 million so‘mlik tanlov savdolarini o‘tkazishda “Davlat xaridlari” va "Raqobat to‘g‘risida”gi qonunlar talablariga rioya qilmagani aniqlangan.
Shunga ko‘ra, qo‘mita maxsus komissiyasi tomonidan “Raqobat to‘g‘risida”gi qonun hamda Vazirlar Mahkamasining 225-sonli nizom talablarini buzish alomatlari bilan Nukus xalqaro aeroportiga nisbatan belgilangan tartibda ish qo‘zg‘atilgan.
Shuningdek, natijasi yuzasidan tegishli taʼsir chorasi qo‘llanilgan.
