Temuriylar davriga oid noyob Qurʼon qo‘lyozmasining faksimilesi nashr etiladi
Hozirda ushbu nodir qo‘lyozma Turkiyada saqlanmoqda.
Temuriylar davrida Shayx Shamsiddin Boysung‘uriy tomonidan ko‘chirilgan, bugungi kunda Turkiyadagi Turk va islom sanʼati muzeyida saqlanayotgan noyob qo‘lyozma nusxasining faksimilesi nashr etiladi.
Bu haqida Samarqandda bo‘lib o‘tayotgan O‘zbekiston madaniy merosini saqlash, o‘rganish va ommalashtirish bo‘yicha Butunjahon jamiyati (WOSCU)ning "Buyuk ajdodlar merosi — III Renessans asosi" VIII xalqaro Kongressida maʼlumot berildi.
Bu yilgi Kongress Islom sivilizatsiyasi markazi bilan hamkorlikda o‘tkazilmoqda va asosiy eʼtibor Markaziy Osiyodagi islom tarixi va sanʼatiga qaratilmoqda.
