Pavel Durov Nobel mukofotiga nomzod bo‘ldi
Uning nomzodi jamoat tashkilotlari vakillari tomonidan qo‘llab-quvvatlangan.
Yevroosiyo xalqaro universiteti rektori Konstantin Klimenko tadbirkor Pavel Durovni Tinchlik bo‘yicha Nobel mukofotiga rasman nomzod qilib ko‘rsatdi.
Uning taʼkidlashicha, Telegram asoschisiga nomzodlik hujjatlari allaqachon Osiyo va Afrika davlatlarining bir qancha universitetlari va jamoat tashkilotlari vakillari tomonidan qo‘llab-quvvatlangan.
Klimenko, shuningdek, tadbirkorni yangi raqamli texnologiyalar davrining yetakchisi deb bilishini taʼkidladi.
“Shaxsan men Pavel Durovni yangi raqamli texnologiyalar davrining yetakchisi deb bilaman”, degan Klimenko.
