7 oyda O‘zbekistonga qancha turist tashrif buyurgan?
Bu haqida Statistika agentligi xabar qildi.
2024-yilning yanvar-iyul oylarida jami 4 242,9 ming nafar chet el fuqarolari turistik maqsadlarda O‘zbekistonga tashrif buyurgan. Bu haqida Statistika agentligi xabar qildi.
Bu ko‘rsatkich o‘tgan yilning mos davri bilan solishtirilganda 562,5 ming nafarga yoki 15,3 foizga oshgan.
Joriy yilning yanvar-iyul oylarida O‘zbekiston Respublikasiga turistik maqsadlarda kelgan chet el fuqarolari mamlakatlar bo‘yicha quyidagicha:
Qirg‘iziston – 1 244,9 ming nafar;
Tojikiston – 1 240,9 ming nafar;
Qozog‘iston – 845,8 ming nafar;
Rossiya – 442,1 ming nafar;
Turkmaniston – 83,7 ming nafar;
Turkiya – 62 ming nafar;
Xitoy – 35,5 ming nafar;
Hindiston – 33,3 ming nafar;
Janubiy Koreya – 23,9 ming nafar;
Italiya – 19,5 ming nafar;
boshqa davlatlar – 211,2 ming nafar.
