Server Ibragimov kumush medal qo‘lga kiritdi
Shu tariqa medallar soni 15 taga yetdi.
Para o‘q otish bo‘yicha aralash dasturda 50 metr masoafaga kichik kalibrli to‘pponchadan otish bo‘yicha final bahslari yakunlandi.
Ushbu yo‘nalishda qatnashgan hamyurtimiz Server Ibragimov medallar uchun kechgan bellashuvda 215.3 ochko jamg‘argan holda 2-o‘rinni egalladi va kumush medalni qo‘lga kiritdi.
Maʼlumot uchun, Server Ibragimov bundan avval Rio-2016 yozgi Paralimpiya o‘yinlarida bronza medalni qo‘lga kiritgandi.
Ayni paytda O‘zbekiston Paralimpiya terma jamoasi hisobida 15 ta medal bor: 6 ta oltin, 5 ta kumush va 4 ta bronza. O‘zbekiston medallar reytingida 11-o‘rinni egallab turibdi.
