Toshkentdagi kiyim do‘koni ishchisi kaltaklandi
Hozirda holat yuzasidan o‘rganish ishlari olib borilmoqda.
Ijtimoiy tarmoqlarda InBazar savdo markazining Sergeli filialida xodim xatosi uchun kaltaklangani aks etgan video tarqaldi.
Savdo markazi rahbari Omadtillo Xolmatovning aytishicha, ayni paytda holat nima sababdan ro‘y bergani hamda xodimni kaltaklagan yigitning shaxsini aniqlashga kirishilgan. Vaziyatni o‘rganish uchun savdo markaziga ichki ishlar xodimlari jalb etilgan.
Toshkent shahar IIBB matbuot kotibi Nilufar Isaxonovaning bildirishicha, holat bo‘yicha murojaat kelib tushmagan. Shunday bo‘lsada, videodagi vaziyatga huquqiy baho berish uchun hozirda Sergeli tumani Ichki ishlar bo‘limi tomonidan dastlabki o‘rganish ishlari olib borilmoqda.
“O‘rganish ishlari tugagach, batafsil maʼlumot beriladi”, deydi Nilufar Isaxonova.
