Toshkentda havo sifati yaxshilanishi mumkin: 11-noyabr kuni ko‘rsatkich “yashil” darajada bo‘ladi
Yomg‘ir havodagi PM zarrachalari miqdorini kamaytirib, havo sifatining yaxshilanishiga yordam beradi.
11-noyabr kuni Toshkent shahrida atmosfera havosi sifati milliy havo sifati indeksi bo‘yicha “yashil” darajada saqlanib qolishi prognoz qilinmoqda.
Prognozlarga ko‘ra, 11-noyabrga o‘tar kechasi havo sifati Xalqaro havo sifati indeksi (AQI) bo‘yicha “o‘rtacha”, milliy indeks bo‘yicha esa “yashil” darajada bo‘ladi.
Tunda shamol tezligi 2–4 m/s atrofida bo‘lishi, sezilarli harorat inversiyasi shakllanmasligi kutilmoqda. Shuningdek, Toshkentda tungi soatlarda 10–15 mm yog‘ingarchilik kuzatilishi prognoz qilingan.
Mutaxassislar ma’lumotiga ko‘ra, yog‘ingarchilik havodagi PM zarrachalari miqdorini kamaytirib, atmosfera havosi sifatining yaxshilanishiga ijobiy ta’sir ko‘rsatadi.
11-noyabr kuni ham havo sifati xalqaro AQI bo‘yicha “o‘rtacha”, milliy havo sifati indeksi bo‘yicha esa “yashil” darajada bo‘lishi kutilmoqda.
