Vyetnamda uchar likopchaga o‘xshash qayiq yasaldi
Uning videosi internetda bir haftada 12 mln marta ko‘rildi.
Tran Long Xo ismli muhandis Gollivud filmlaridan ilhomlanib, o‘z uyining ustaxonasida shu paytgacha boshqalar tomonidan yig‘ilmagan g‘ayrioddiy suv qayig‘ini yasadi.
YouTube platformasiga joylangan bir soatlik videoda qurilmaning 0 dan boshlab yaratilish jarayoni, uning chizmalari aks etgan. Video so‘nggida muallif uni daryoda haydab ko‘rgani namoyish qilinadi. Ushbu kontent 7 kun ichida 12 mln marta tomosha qilinib, ko‘pchilikning hayratiga sabab bo‘lmoqda.
Qayiq haqiqatan ham uchar likopchani eslatadi. Uning ichiga hatto Led chiroqlari o‘rnatilgan. Bu esa unga tunda ham harakatlanish imkoniyatini beradi.
