Jizzaxda “prava”siz yigitlar ko‘chada “hunar ko‘rsatdi”
Holat yuzasidan rasmiy munosabat bildirildi.
Ijtimoiy tarmoqda Jizzax viloyatining Sharof Rashidov tumanida bir guruh shaxslar tomonidan xavfli manyovrlar sodir etilgani aks etgan video tarqalmoqda.
Qayd etilishicha, ushbu video viloyat YHXB xodimlari tomonidan o‘rganilib, transport vositalari va ularni boshqargan fuqarolarning shaxsiga aniqlik kiritilgan.
Aniqlanishicha, yigitlarning ayrimlarida haydovchilik guvohnomasi mavjud bo‘lmagan. Ular do‘stining to‘yi kuni kortejda shunday huquqbuzarlikni sodir etganini aytishgan.
Hozirda ularga nisbatan belgilangan tartibda qonuniy chora ko‘rilib, avtomashinalar vaqtincha saqlash uchun jarima maydonchasiga joylashtirilgan.
