BMT: 100 mingga yaqin odam Livandan Suriyaga qochgan
Suriya bilan chegaraga kelayotgan odamlar oqimi to‘xtamayapti.
BMTning qochqinlar bo‘yicha Oliy komissari Filippo Grandining so‘zlariga ko‘ra, Isroilning Livandagi Hizbulloh harakatiga qarshi harbiy amaliyoti boshlanganidan beri, Suriya bilan chegaraga kelayotgan odamlar oqimi to‘xtamayapti. Birlashgan Millatlar Tashkiloti xodimlari mahalliy hokimiyat va Qizil Yarim Oy jamiyati xodimlari tomonidan qo‘llab-quvvatlanadigan to‘rtta nazorat punkti faoliyat olib boradi. Qayd etilishicha, qochqinlarning 60 foizga yaqini suriyaliklar, qolganlari livanliklardir.
Avvalroq Livan bosh vaziri Najib Mikati Isroilning yirik havo hujumlari boshlanganidan keyin uyini tashlab ketganlar soni bir millionga yaqinlashganini aytgan edi. U buni "Livan tarixidagi aholining eng katta ko‘chishi" deb atadi.
