Fransiyalik erkakning uyidan qadimiy qabriston topildi
Uning maydoni 52 kvadrat metrni tashkil etadi.
Fransiyalik erkak uyining yerto‘lasini taʼmirlayotganda odam skeletlariga duch kelgan. Keyinchalik u yerda arxeologik tekshiruvlar amalga oshirilgach, yerto‘la maydoni 52 kvadrat metr bo‘lgan qadimiy qabriston ekani maʼlum bo‘lgan.
Dastlabki hisob-kitoblarga ko‘ra, bu yerda 38 nafar odamning qabri joylashgan bo‘lgan. Arxeologlar avvaliga qabrlar o‘rta asrlarga tegishli ekanini taxmin qilishgandi, biroq keyinchalik ularning orasida undan ham qadimiyroq qabrlar borligi aniqlangan.
