O‘zbekistonda sunʼiy intellektni rivojlantirish strategiyasi tasdiqlandi
Bu bo‘yicha Prezident qarori qabul qilindi.
Unga ko‘ra, sunʼiy intellekt texnologiyalarini 2030 yilga qadar rivojlantirish bo‘yicha erishish lozim bo‘lgan maqsadli ko‘rsatkichlar quyidagilardan iborat:
— sunʼiy intellekt asosida yaratilgan dasturiy mahsulotlar va ko‘rsatiladigan xizmatlar hajmini 1,5 milliard AQSH dollariga yetkazish;
— YAIDXP (my.gov.uz) da sunʼiy intellekt asosida ko‘rsatilayotgan xizmatlar ulushini 10 foizga yetkazish;
— sunʼiy intellekt yo‘nalishida faoliyat yurituvchi ilmiy laboratoriyalar sonini 10 taga yetkazish hamda yuqori quvvatli hisoblash serverlarini ishga tushirish;
— Hukumatning sunʼiy intellektga tayyorlik indeksida (Government AI Readiness Index) O‘zbekistonni birinchi 50 ta o‘rindagi davlatlar qatoriga kirishiga erishish.
