Toshkentda bank xodimi pora bilan qo‘lga tushdi
Holat yuzasidan unga nisbatan jinoyat ishi qo‘zg‘atildi.
Toshkent shahrining Sergeli tumanida fuqaroga ipoteka krediti ajratib berishi evaziga 61 000 AQSH dollarini qo‘lga kiritgan firibgarlar aniqlandi.
Bosh prokuratura huzuridagi Departamentning Sergeli tumani bo‘limi tomonidan o‘tkazilgan tergovga qadar tekshiruvda hududiy tijorat banki filiali yetakchi mutaxassisi M.T. va fuqaro Sh.A. fuqaro F.E.ga yangi qurilayotgan uylardan birini kredit evaziga xarid qilish uchun ipoteka krediti ajratib berishlarini vaʼda qilib, oldindan boshlang‘ich to‘lov sifatida fuqaroning 61 000 AQSH dollarini firibgarlik yo‘li bilan qo‘lga kiritganliklari aniqlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
