"Arsenal" stadionini kengaytirmoqchi
Klub daromadniu oshirishni xohlamoqda.
Londonning "Arsenal" klubi o‘z daromadini oshirish uchun uy stadionini kengaytirish variantini ko‘rib chiqmoqda. "Emireyts" o‘yingohining sig‘imi butun Angliyada oltinchi va Premyer-ligada beshinchi o‘rinda turadi (60 704 sig‘im). Klubning bunday qarorga kelishiga asosiy sabab sifatida, top-6 likning qolgan jamoalari allaqachon bu borada oldinga qadam tashlagan.
O‘tgan mavsumda "Arsenal"ning uy uchrashuvlaridan ko‘rgan daromadi 120 million funtdan oshdi. Ammo stadion rekonstruksiyasi masalasida "to‘pchilar" jiddiy qiyinchiliklarga duch kelishi mumkin. Chunki, maydon balandligini pasaytirishning texnik imkoniyati yo‘q. Shuning uchun ishlarni boshlash juda mushkul.
