JSTga aʼzolik O‘zbekistonning iqtisodiy o‘sishini tezlashtiradi
Yaqin 5-7 yil ichida YAIM qo‘shimcha 17 foizga o‘sishi prognoz qilinmoqda.
O‘zbekistonning JSTga aʼzoligi yaqin 5-7 yil ichida YAIM qo‘shimcha 17 foizga o‘sishiga yordam berishi prognoz qilinmoqda. Bu haqida Vashington shahrida Jahon banki va Xalqaro valyuta jamg‘armasining yillik yig‘ilishi doirasida Jahon banki, Jahon savdo tashkiloti va Xalqaro valyuta jamg‘armasi bilan hamkorlikda “O‘zbekistonning JSTga aʼzo bo‘lish yo‘li: islohotlar va global integratsiya” mavzusida yuqori darajali davra suhbatida maʼlum qilindi.
_1.webp)
Yig‘ilishda O‘zbekistonning JSTga aʼzo bo‘lishi doirasida amalga oshirayotgan muhim islohotlari, shuningdek ko‘p-tomonlama savdo tizimi va global qo‘shilgan qiymat zanjirlariga qo‘shilish masalalari muhokama qilindi.
O‘zbekiston tomonidan Bosh vazir o‘rinbosari Jamshid Xodjayev mamlakatda amalga oshirilayotgan keng ko‘lamli va strategik islohotlarga hamda JSTga aʼzolik ushbu tub o‘zgarishlarning ajralmas bir qismi ekanligiga urg‘u berib, “O‘zbekiston-2030” strategiyasida belgilangan maqsadlar va ularga erishish rejalari bilan tanishtirdi.
Yakunda davra suhbati ishtirokchilari islohotlar va integratsiya yo‘lidagi salmoqli muvaffaqiyatlarni qayd etib, 2026 yilda O‘zbekistonning Jahon savdo tashkilotiga aʼzo bo‘lishi jarayonini yakunlash maqsadida hamkorlikni yana-da mustahkamlash muhimligini qayd etishdi.
