Toshkentda Rossiya davlat pedagogika universiteti filiali ochildi
Unda O‘zbekiston va Rossiya hukumati vakillari va rasmiylar ishtirok etdi.
O‘zbekiston yangi ta’lim infratuzilmasini yaratish bo‘yicha bir necha yil muqaddas boshlangan g‘oyalar hayotga muvaffaqiyatli tatbiq etib kelinmoqda. Shulardan biri respublikadagi maktab va bog‘chalarni malakali, o‘z ishining ustasi bo‘lgan mutaxassilar – pedagoglar, psixologlar va defektologlar bilan ta’minlash qaratilgan bo‘lib, bu maqsadga erishish uchun Toshkentda A.I.Gersen nomidagi Rossiya davlat pedagogika universitetining filiali faoliyati yo‘lga qo‘yilgandi.
227 yillik tarixga ega nufuzli OTMning poytaxtimizdagi filialida bugungi kunda 1,5 ming nafar talaba tahsil olayotgan bo‘lib, kelgusida ularning miqdori 3 ming nafargacha oshirilishi rejalashtirilgan.
1 oktyabr kuni RDPU Toshkent filialining yangi kampusi foydalanishga topshirildi. Tantanali ochilish marosimida O‘zbekiston va Rossiya hukumati mulozimlari, rasmiy shaxslar ishtirok etishdi.
Umumiy maydoni 15 ming kvadrat metrga ega kampus O‘zbekiston ta’lim tizimi uchun yangi avlod o‘qituvchilari tayyorlanadigan Markaziy Osiyodagi yetakchi ta’lim maskaniga aylanishi kutilmoqda.
