“Bayer” avvalgi darajasini saqlay oladimi?

 

O'tgan mavsumda "Bayer" ajoyib o'yinlar ko'rsatdi. Jamoa eng qiyin vaziyatlarda ham raqiblaridan ochko tortib oldi va Germaniya chempionatida g'oliblikni qo'lga kiritdi. Bu yilgi mavsumda klub oldinga darajasiga qaytishi imkonsizdek tuyilmoqda. Sababi Bundesliganing 9-turidan keyin “Bayer” to‘rtinchi o‘rinda bormoqda. Jamoa peshqadam “Bavariya”dan 7 ochko ortda qolmoqda. Ko'pchilikni Alonsoning jamoasiga nima bo'lgani qiziqtirmoqda?

 

O'tgan mavsum so'nggi daqiqalardagi g'ayritabiiy gollarni ikki xil talqin qilish mumkin. O'sha o'yinlarning ahamiyatidan boshlash to'g'ri bo'ladi. "Borussiya", "Shtutgart", "Xoffenxaym" va "Qorabog"ga qarshi o'yinlarda Alonso jamoasi raqiblari bilan bir xil ustunlikka ega edi. O'sha mavsumda "Bayer"da deyarli muvaffaqiyatsiz o'yin bo'lmagan. Ular raqiblaridan kuchliroq bo'lishlari shart emasdi, lekin ular doimiy ravishda mazmunli va sifatli futbol namoyish etishdi. Ammo bu mavsumda jamoada ishtiyoq nisbatan tushib ketganini ko'rish mumkin. Biroq, "Bayer" hali ham yaxshi holatda va Alonso o'zidagi bor imkoniyatlardan foydalanishga harakat qilmoqda. Xabi chempionlikdan keyin to'xtab qolgani yo'q. Murabbiy raqiblarini sinchiklab o'rganishda davom etmoqda. Misol tariqasida yaqinda "Shtutgart" bilan o'yinni keltirish mumkin. Leverkuzenliklar zarbalar (19 ga 4) va gol urish imkoniyatlari (6 ga qarshi 0) bo'yicha raqibni butunlay ortda qoldirdi va tarkibdagi o'zgarishlar orqali, raqibini bosim ostida ushlab tura oldi. Ammo “Shtutgart” ham hozirgi kunda tartibli o'yin namoyish etmoqda. Jamoa yaqinda Chempionlar ligasida (safarda) “Yuve”ni mag'lub etishdi va milliy chempionatda esa Dortmundning “Borussiya”sidan ustun keldi. Muammo shundaki, Leverkuzen jamoasi hujumlardan unumli foydalana olmayapti. Alonsoning mag'lubiyati bilan yakunlangan "Leypsig" bilan o'yinda ham leverkuzenliklar golli vaziyatlarda raqibini mag'lub etishdi. Biroq, raqib fenomenal chidamlilik ko'rsatdi va "Bayer"ni o'ziga xos uslubda jazoladi: raqib xatolarni kechirmadi va 0:2 hisobida g'alaba qozondi.

 

Leverkuzenliklarda individuallik kam emas. Grimaldo va Frimpongning o'yin uslubi ko'pchilikka ma'lum bo'lib ulgurdi. Ammo hozirda ular ham hujumkor o'yin ko'rsata olmayapti. Ayniqsa, maydon markazida harakatlanayotgan Alexandroning o'yinida pasayish kuzatilayotgandek. Bonifas nihoyat jarohatdan so'ng maydonga qaytdi va hozirgacha jamoa safida sakkizta gol urdi. Florian Virtz ham bor imkoniyatidan foydalanmoqda. Ko'rinishidan, u "Real"ga o'tish uchun bor kuchi bilan tayyorlanyapti. Nafaqat Virtz, balki Alonso ham Madridga o'tishga hozirlik ko'rmoqda. "Relevo" nashrining xabar berishicha, Madridda hammasi allaqachon hal bo'lgan. Qayd etilishicha, Alonso keyingi mavsumdan klubni boshqarishga kirishadi. Agar shunday bo'lsa, bu to'g'ri qadamdir. Ispaniyalik murabbiy bu mavsum ham Leverkuzen klubi yetakchilarini saqlab qoldi va kiyinish xonasida hech qanday mojaroga yo'l qo'ymadi. Lekin, eng qiyini o'tgan yilgi shov-shuvli mavsumdan keyin "Bayer"ni oyoqda ushlab turish. Garchi bunday darajadagi klub chempionlik tajribasiga ega bo'lmasa ham, kutilmaganda "yo'q bo'lib" qolishi va Bundesliganing quyi pog'onasiga tushib ketishi mumkin. Bu Germaniya chempionati va "Bayer"ning o'zi uchun odatiy hol.

 

Takroriy mo'jizani kutish ahmoqlik, lekin mavsum oxirida kuchli 4 talikdan joy olish katta muvaffaqiyat bo'lishi mumkin. Aftidan, Xabi bu vazifani uddalay oladi.