“Taxtaqoracha” dovoni vaqtincha yopildi
Yo‘lda baxtsiz hodisa yuz bergani aytilmoqda.
Bugun, 6 noyabr kuni Qashqadaryo viloyatining Kitob tumanidan o‘tgan Samarqand va Qashqadaryo viloyatlarini bog‘lovchi M-39 avtomobil yo‘lining 1138-kilometrida sodir bo‘lgan baxtsiz hodisa sababli “Taxtaqoracha” dovonida transportlar harakati vaqtincha to‘xtatildi.
Ijtimoiy tarmoqda tarqalgan videolarga ko‘ra, Cobalt atomashinasini tog‘dagi tosh bosib qolgan. Uning ichida bo‘lgan 5 nafar fuqaro vafot etgani aytilmoqda.
Dovonining qayta ochilishi bo‘yicha qo‘shimcha maʼlumot beriladi.
