Toshkentdan Issiqko‘lga poyezd qatnovi yo‘lga qo‘yiladi
Ilk reys 2025-yil yozidan boshlanadi.
O‘zbekiston va Qirg‘iziston temiryo‘l ma’muriyatlari 2025-yil yozidan Toshkent—Baliqchi yo‘nalishida turistik poyezd qatnovini yo‘lga qo‘yishga kelishib olishdi.
Uchrashuv davomida yuk tashish hajmlarini oshirish va tarif chegirmalarini qo‘llash masalalari bo‘yicha muzokaralar olib borildi. Shuningdek, ikki davlat o‘rtasida asosiy yuklar — ko‘mir, sement va boshqa mahsulotlarni tashishda “Temiryo‘lkargo” AJ yuk vagon parklaridan foydalanish hamda tarozi xo‘jaligi obyektlarini ta’mirlash masalalari ko‘rib chiqildi.
Tomonlar, shuningdek, 2025 yil yozida “Toshkent-Ribache” yo‘nalishida turistik poyezdlar qatnovini yo‘lga qo‘yishga kelishib oldilar. Bu yo‘nalish ikki mamlakat o‘rtasida turizm aloqalarini rivojlantirishda muhim qadam bo‘lishi kutilmoqda.
