Rossiya migrantlarga yana bir taqiq qo‘ymoqda
Muhojirlarga maktab va bog‘chalar yaqinida yashash taqiqlanishi mumkin.
Rossiyada migrantlarni maktab va bog‘chalardan 200 metrdan kam masofada yashashi taqiqlanishi mumkin. Davlat dumasida tegishli qonun loyihasi ishlab chiqilmoqda. Bu haqida Liberal demokratik partiyasi rahbari Leonid Slutskiy ma’lum qilgan.
“Biz mehnat migrantlarining ta’lim muassasalari hududidan 200 metrdan kam masofada yashashini taqiqlovchi qonun loyihasini tayyorlayapmiz. Shuningdek, maktab, bog‘cha va bolalar bo‘ladigan boshqa muassasalar binolarida migrantlarni ro‘yxatdan o‘tkazishni taqiqlash nihoyatda muhim, deb hisoblaymiz”, – deydi Slutskiy.
Hujjatda, shuningdek, mehnat migrantlarining bino va xonalarni ta’mirlash ishlari doirasida bevosita ta’lim tashkilotlari hududida yashashi holatlari uchrayotgani aytiladi.
