Yangi yil bayrami sabab Toshkentda ayrim ko‘chalar yopiladi
Cheklov 15-yanvargacha amal qiladi.
Yangi yil bayrami tadbirlariga tayyorgarlik ko‘rish, uni o‘tkazish, bayram tadbirlari vaqtida aholi xavfsizligini taʼminlash hamda jamoat tartibini saqlash maqsadida joriy yilning 10-dekabridan 2025-yilning 15-yanvarigacha quyidagi ko‘chalarda transport harakati cheklandi.
— Zarafshon ko‘chasining "Hyatt Regensy Tashkent" mehmonxonasi qo‘riqlash punkti va Matbuotchilar ko‘chalari oralig‘idagi qismi;
— Istiqlol ko‘chasining A.Temur va Buyuk Turon ko‘chalari oralig‘idagi qismi;
— Buyuk Turon ko‘chasining Istiqlol ko‘chasi kesishmasidan Yoshlar ijod saroyigacha bo‘lgan qismida avtotransport vositalari harakati cheklanadi.
Ko‘rsatilgan davr mobaynida haydovchilar muqobil yo‘llardan foydalanishi tavsiya etiladi.
