Kursk viloyatidagi janglarda KXDR harbiylari halok bo‘lgan
Bu haqida Pentagon maʼlum qildi.
"Bizda Shimoliy Koreya harbiylari orasida o‘ldirilgan va yarador bo‘lganlar borligi to‘g‘risida maʼlumotlar mavjud", — dedi AQSH Mudofaa vazirligi matbuot kotibi Pet Rayder.
Ukraina rasmiylari ham Shimoliy Koreya harbiylarining Kursk viloyatidagi janglarda yo‘qotishlarga uchrayotgani haqida xabar berdi. Ukraina razvedkasiga ko‘ra, 30 nafar shimoliy koreyalik harbiy o‘ldirilgan yoki yaralangan.
KXDR harbiylarining janglarda ishtirok etayotgani haqida Vladimir Zelenskiy ham tasdiqladi. Ukraina prezidentining aytishicha, Rossiya hukumati Shimoliy Koreya harbiylari orasidagi yo‘qotishlarni yashirishga urinmoqda.
