"Biznes amaliyotida va davlat tomonidan biznes faoliyatini tekshirish jarayonlarida korrupsiya xavflarini kamaytirish" mavzusida xalqaro biznes-forum o'tkazildi
Forum Biznes-ombudsman, Korrupsiyaga qarshi kurashish agentligi va bir qator tashkilotlar hamkorligida tashkil etildi.
O'zbekiston halol biznes yuritish uchun qulay muhit yaratishda qat'iy qarorgoh ekanligini namoyish etmoqda. Qonunchilikdagi o'zgarishlar va rag'batlantiruvchi imtiyozlar hamda preferensiyalarni o'z ichiga olgan kompleks yondashuv mamlakatga barqaror iqtisodiy rivojlanish va aholi turmush darajasini oshirish yo'lida harakatlanish imkonini beradi.
Halol biznes yuritish tamoyillarini ilgari surishda bir qator muhim qadamlar qo'yilmoqda. 2024-yil boshida tadbirkorlik subyektlarining barqaror reytingi joriy etildi, bu reyting qonunchilik talabalariga rioya qilgan holda faoliyat yuritayotgan tadbirkorlik subyektlarini aniqlash va qo'shimcha rag'batlantirishni nazarda tutadi. Uch yildirki, davlat organlari, xalqaro tashkilotlar va xususiy sektorni shaffof va ochiq faoliyat yuritishni ta'minlashning dolzarb masalalarini muhokama qilish uchun birlashtiruvchi biznes halolligi masalalariga bag'ishlangan forum o'tkazildi.
2021-yilda o'tkazilgan birinchi forum O'zbekiston biznes halolligi xartiyasining qabul qilinishi bilan ahamiyatli bo'ldi. U moliya, korrupsiyaga qarshi kurashish va davlat xaridlari kabi muhim sohalarda shaffoflik va halollikning yuqori standartlarini belgilaydi. Xartiyaga qo'shilib, tadbirkorlar halol raqobat, korrupsiyaning oldini olish va ijtimoiy mas'uliyat tamoyillariga rioya qilish majburiyatini oladi. Hujjat Biznes-ombudsman, Korrupsiyaga qarshi kurashish agentligi va Savdo-sanoat palatasi tomonidan ishlab chiqilgan. Qisqa vaqt ichida Xartiyaga 500 dan ortiq tadbirkor qo'shildi va shu bilan biznes yuritishda halollik va ochiqlikka tayyor ekanliklarini bildirdi.
III "Biznes halollik" forumi O'zbekiston ishbilarmon doiralari uchun yana bir muhim voqea bo'ldi. Mazkur forum 9-dekabr — Xalqaro korrupsiyaga qarshi kurashish kuniga bag'ishlandi. "Biznes amalyotida va davlat tomonidan biznes faoliyatini tekshirish jarayonlarida korrupsiya xavflarini kamaytirish" mavzusidagi navbatdagi xalqaro biznes-forum Biznes-ombudsman tomonidan BMTning Giyohvand moddalar va jinoyatchilik bo'yicha boshqarmasi hamkorlikda tashkil etildi.
Forumda xorijiy Biznes-ombudsmanlar, vazirlik va idoralar, nazorat organlari, tadbirkorlik subyektlari, xalqaro va xorijiy tashkilotlar, nodavlat notijorat tashkilotlarining 100 dan ortiq vakillari hamda ommaviy axborot vositalari xodimlari ishtirok etdi.
Forumning asosiy maqsadi biznes huquqlarini himoya qilish samaradorligini oshirish, tadbirkorlik subyektlari faoliyatini davlat tomonidan nazorat qilish tizimni isloh qilish, shuningdek, korrupsiyaga qarshi kurashish sohasida tajriba almashishdan iborat. Forum yakunida tadbirkorlik subyektlarining Korrupsiyaga qarshi kurashish Xartiyasiga qo'shilishiga bag'ishlangan tantanali marosim o'tkazildi.
