Rossiyadagi migrantlar soni qanchaligi aytildi
2024 yilda 1 mln kishi Rossiyadan chiqib ketgan.
Rossiyada bir vaqtning o‘zida bo‘lib turgan xorijiy fuqarolar soni qariyb 6,5 million nafarni tashkil etmoqda. Bu haqida Rossiya IIV matbuot xizmati maʼlum qildi.
“Har yili taxminan 11-12 mln nafar chet el fuqarosi Rossiya Federatsiyasi hududiga kirib keladi va chiqib ketadi. Bir vaqtning o‘zida Rossiyada bo‘lib turganlar soni 6,5 mln atrofida. Ushbu raqamlar, pandemiya davrini hisobga olmaganda, uzoq yillardan buyon barqaror saqlanib turibdi”, — deyiladi RF IIV bayonotida.
“Migrant-Servis” platformasi direktori Andrey Kladovning aytishicha, 2024 yilda O‘zbekiston, Tojikiston va Qirg‘izistonning jami 1 mln nafar fuqarosi Rossiyadan chiqib ketgan.
