Yun Sok Yolni hibsga olishga yana order berildi
Avvalroq bu urinish muvaffaqiyatsiz tugagandi.
Janubiy Koreya sudi impichment eʼlon qilingan prezident Yun Sok Yolni qisqa muddatli harbiy holat joriy etgani uchun hibsga olishga berilgan order muddatini uzaytirdi. Bu haqida Yonhap agentligi xabar bermoqda.
Rasmiylarga ko‘ra, Seul G‘arbiy okrug sudi Yuqori martabali amaldorlar uchun korrupsiya bo‘yicha tergov boshqarmasi (CIO) boshchiligidagi tergovchilarning order muddatini uzaytirish borasidagi iltimosini qanoatlantirgan.
O‘tgan juma kuni huquq-tartibot idorlarining hibsga olish orderini ijro etishga urinishi, xavfsizlik xizmatining prezident Yunning Seul markazidagi rasmiy qarorgohga kirishga to‘sqinlik qilgani bois muvaffaqiyatsiz yakunlangandi.
Tergovchilar uzaytirilgan orderning yangi amal qilish muddatini oshkor qilmagan bo‘lsalar-da, Yunni hibsga olishda kutilayotgan muammolarni hisobga olib, orderning odatiy yetti kundan ko‘proq muddatga uzaytirilganiga ishonishmoqda.
