0
Abduqodir Husanov “Manchester Siti”ni tanladi
U tez orada klub bilan shartnoma imzolashi kutilmoqda.
“Lans” va O‘zbekiston terma jamoasi himoyachisi Abduqodir Husanov Buyuk Britaniya ishchi vizasini olish uchun hujjat topshirdi. Bu haqida “Telecomasia.net” sayti xabar bermoqda.
Manba bergan xabarga ko‘ra, o‘tgan hafta 20 yoshli futbolchi va uning vakillari Buyuk Britaniya vizasini olish uchun zarur hujjatlarni topshirgan. Husanov va uning agentlari shu oyning oxiriga qadar Manchesterga uchib, shartnoma imzolashi kutilmoqda.
Ma’lum bo‘lishicha, O‘zbekiston milliy jamoasi futbolchisiga vakillik qiluvchi agentlik “Manchester Siti”ni tanlagan. Bunga bosh murabbiy Pep Gvardiolaning shaxsan qiziqishi sabab qilib ko‘rsatilgan.
