Yevropa davlatlaridan boshpana so‘rovchilar soni kamaymoqda
Germaniya arizalar soni bo‘yicha yetakchilik qilmoqda.
"2024 yilda Yevropa Ittifoqi mamlakatlari, Norvegiya va Shveysariyada boshpana olish uchun birlamchi arizalar soni taxminan 12% ga kamayib, 1,008 millionni tashkil etdi. 2023 yilda bu ko‘rsatkich 1,14 million edi", deb xabar bermoqda Yevropa Ittifoqining Boshpana masalalari bo‘yicha agentligi.
Germaniya boshpana olish uchun birlamchi arizalar soni bo‘yicha yetakchilik qilmoqda: o‘tgan yili deyarli 236 mingta ariza topshirilgan. Ikkinchi o‘rinda Ispaniya (165,4 ming), undan keyin Fransiya (158,5 ming) va Italiya (154,8 ming) joylashgan. 2024 yilda boshpana olish bo‘yicha eng kam ariza Vengriyada topshirilgan – atigi 29 ta.
O‘tgan yili Yevropa Ittifoqi davlatlaridan boshpana so‘rovchilarning asosiy qismi Suriyadan (15%) bo‘lgan. Keyingi o‘rinlarda Afg‘oniston (8,7%), Venesuela (7,3%) va Turkiya (5,5%) turibdi.
