Inklyuziv ta’lim joriy etilgan maktablar sonini 1900 taga yetkazish rejalashtirilmoqda
2025-yilda mazkur ta'lim jarayoniga 1000 nafar nogiron bola qamrab olingan.
Mamlakatimizda 2020 – 2025 yillarda inklyuziv ta’limni rivojlantirish konsepsiyasiga muvofiq, “ta’lim barcha uchun” tamoyili asosida 2021-2022-o‘quv yilidan boshlab respublika bo‘yicha tajriba-sinov tariqasida 31 ta umumta’lim maktablarida inklyuziv sinflar tashkil etilib, ularda 122 nafar alohida ta’lim ehtiyojiga muhtoj bolalar ta’limga jalb etilgan bo‘lsa, 2024/2025 o‘quv yilida inklyuziv ta’lim joriy etilgan maktablar soni 950 tani, ularda ta’lim olayotgan nogironligi bo‘lgan bolalar soni 1 845 nafarni (shundan, 2024-yil davomida 421 ta umumiy o‘rta ta’lim maktabida 651 nafar bolalar) tashkil qilmoqda.
Inklyuziv ta’limni rivojlantirish konsepsiyasiga muvofiq “ta’lim barcha uchun” tamoyili asosida inklyuziv ta’limni bosqichma-bosqich joriy etishni davom ettirish maqsadida har bir tuman (shahar)da kamida bittadan davlat maktabgacha ta’lim tashkilotlari (bog‘chalar) da inklyuziv guruhlar tashkil etib, 2025-yilda 1000 nafar nogiron bolani qamrab olinadi.
Shuningdek, nogironligi bo‘lgan maktab o‘quvchilarining jamiyatga moslashuvchanligini ta’minlash bo‘yicha inklyuziv ta’lim joriy etilgan maktablar sonini 1 900 taga (hozirda 950 ta) yetkazish va qo‘shimcha 1 900 nafar nogironligi bo‘lgan bolani o‘z tengdoshlari qatorida ta’lim olishlariga imkoniyat yaratish rejalashtirilgan.
