Saida Mirziyoyeva xalqaro hamkorlar bilan uchrashdi
Muloqotda taʼlimga oid yangi yondashuvlar muhokama qilingan.
O‘zbekiston Prezidentining yordamchisi Saida Mirziyoyeva UNICEF, UNESCO, UNDP, IHTT, Jahon banki va boshqa mutasaddilar bilan uchrashuv o‘tkazdi.
Muloqot davomida taʼlim masalasiga yangi yondashuvlarni — innovatsiyalar, zamonaviy metodikalar va jahon tajribasiga asoslangan yechimlar muhokama qilindi.
“Xalqaro taʼlim kuni arafasida men O‘zbekistonning bu yo‘nalishdagi islohotlari samarasini, muvaffaqiyatlarini faxr bilan eʼtirof etmoqchiman. Biz taʼlim — farovonlik poydevori ekaniga qatʼiy ishonamiz va har bir bola uchun o‘z salohiyatini ro‘yobga chiqarish imkoniyatini taʼminlashga intilamiz.
Birgalikdagi saʼy-harakatlarimiz natijasida sifatli taʼlim olish imkoniyatidan barcha erkin foydalanishi uchun zarur sharoit yaratishga erishamiz”, deydi Saida Mirziyoyeva.
