Endi Instagram yolg‘on xabarlarni yopib qo‘yadi
Platformada yangi funksiya ishga tushdi.
Instgram “Yolg‘on maʼlumot” funksiyasini ishga tushirish orqali soxta yangiliklarga nisbatan o‘z qoidalarini kuchaytirmoqda.
Yangi funksiyaga ko‘ra, shubhali yoki soxta deb topilgan postlar avtomatik ravishda "noto‘g‘ri maʼlumot" sifatida belgilanadi. Faktlarni tekshiruvchilar jamoasi tomonidan har bir post tekshiriladi va agar ular yolg‘on deb topilsa, postga havolalar bilan tushuntirish beriladi. Foydalanuvchilar postni joylashtira olishadi, ammo u avtomatik ravishda "yolg‘on maʼlumot" yorlig‘i bilan belgilangan bo‘ladi.
Facebookning bayonotida aytilishicha, kompaniya soxta maʼlumotlarning tarqalishiga tezroq javob berishga harakat qilmoqda. Agar biron bir post noto‘g‘ri deb topilsa, u uchinchi tomon fakt-tekshiruvchilari tomonidan tasdiqlanmaguncha vaqtincha tarqatilishi cheklanadi.
Komila Odilova tayyorladi
