9 oyda 3,4 mingga yaqin YTH: qaysi hududda avariyalar ko‘proq sodir bo‘ldi?
Milliy statistika qo‘mitasi ma’lumotiga ko‘ra, hodisalarda 5,5 mingdan ortiq kishi jarohatlangan.
2026-yilning yanvar–sentabr oylarida O‘zbekistonda 3 391 ta yo‘l-transport hodisasi (YTH) qayd etilgan. Ushbu baxtsiz hodisalar oqibatida 5 581 kishi jarohat olgan. Bu haqda Milliy statistika qo‘mitasi ma’lum qildi.
Hududlar kesimida eng ko‘p yo‘l-transport hodisasi Samarqand viloyatida qayd etilgan — 471 ta. Keyingi o‘rinlarda Toshkent viloyati (459 ta) va Toshkent shahri (458 ta) turadi.
Shuningdek, Namangan viloyatida 342 ta, Farg‘ona viloyatida 340 ta, Andijon viloyatida 219 ta, Qashqadaryo viloyatida 215 ta, Surxondaryo viloyatida 199 ta YTH sodir bo‘lgan.
Jizzax viloyatida 145 ta, Qoraqalpog‘iston Respublikasida 140 ta, Xorazm viloyatida 127 ta, Navoiy viloyatida 117 ta, Buxoro viloyatida 82 ta hamda Sirdaryo viloyatida 77 ta yo‘l-transport hodisasi qayd etilgan.
