Toshkentda ko‘p qavatli uy yonib ketdi
Holat yuzasidan rasmiy munosabat bildirildi.
Qayd etilishicha, bugun 28 yanvar kuni soat 11:44 da Bektemir tumanida yangi qurilayotgan ko‘p qavatli uyning birinchi qavati fasad qismi yonayotganligi to‘g‘risida Toshkent shahar FVBga xabar tushgan.
Shunga ko‘ra, yong‘in-qutqaruv texnikalari aytilgan manzilga soat 11:48 da yetib borib, yong‘in soat 11:51 da qurshab olingan va soat 11:52 o‘chirilgan.
Yong‘in oqibatida halok bo‘lgan va jabrlanganlar yo‘q. Hozirda yong‘in sababi va keltirilgan moddiy zarar aniqlanmoqda.
