Hindistonda tiqilinch sabab 15 kishi halok bo‘ldi
Yana ko‘plab odamlar kasalxonaga yotqizilgan.
Hindistonning Uttar-Pradesh shtatida o‘tkazilgan “Kumbh Mela” festivalida 15 kishi tiqilinch sabab halok bo‘ldi.
Mahalliy nashrlarga ko‘ra, yana ko‘plab tashrif buyuruvchilar jarohatlangan va kasalxonaga yotqizilgan. Ulardan ayrimlarining ahvoli og‘ir deb baholanmoqda.Maʼlumot uchun, “Kumbh Mela” festivali har 12 yilda bir marta o‘tkaziladi. 13 yanvar kuni tadbir boshlanganidan beri 110 milliondan ortiq odam bayramda ishtirok etishdi. Festivalning 45-kunida tashrif buyuruvchilar soni 450 million kishiga yetishi kutilmoqda.
Odamlar Gang va Yamuna daryolarining qo‘shilish joyi bo‘lgan Sangamda marosim amallarini bajarish uchun tashrif buyurishadi. Unda odamlar cho‘milish orqali barcha gunohlaridan forig‘ bo‘ladi deb hisoblanadi.
