Toshkentda taksida ayolning ko‘zi yoridi
Hozirda ona va bolaning ahvoli yaxshi.
Farhod Fattoyev shoshilinch buyurtma asosida homilador ayolni tug‘ruqxonaga yetkazishga buyurtma olgan. Ammo ayol tug‘ruqxonaga borishga ulgurmagan va mashinaning orqa o‘rindig‘ida ko‘zi yorigan.
Haydovchi o‘zini yo‘qotib qo‘ymagan va tirbandliklardan o‘tish uchun YPXni yordamga chaqirgan.
Ayni vaqtda ona va bolaning ahvoli yaxshi ekani aytilmoqda. Uning oila a’zolari haydovchiga minnatdorchilik bildirgan. Haydovchi o‘zining bu harakatini qahramonlik deb hisoblamasligini, shunchaki har bir inson qilishi mumkin bo‘lgan ishni qilganini aytgan.
