Navoiyda 14 yoshli qiz o‘z joniga qasd qildi
Hozirda o‘smirning o‘limi bo‘yicha surishtiruv boshlangan.
28-fevral kuni taxminan soat 10:30 da Navoiy viloyati Karmana tumanining “Yangihayot” mahallasida yashovchi 14 yoshli J.I. o‘z joniga qasd qildi. Ma'lumotlarga ko‘ra, u uyining xo‘jalik xonasida arqonga osilgan holda topilgan.
Bosh prokuratura ma’lumotiga ko‘ra, dastlabki tekshiruv natijalari marhumaning o‘limi mexanik asfiksiya sababli yuz berganini ko‘rsatmoqda. Hozirda hodisaning aniq sabablari va tafsilotlarini o‘rganish maqsadida Karmana tumani prokuraturasi tomonidan surishtiruv ishlari olib borilmoqda.
