AQSH Xitoyni COVID-19 maʼlumotlarini yashirgani uchun jarimaga tortadi
Jarima miqdori 24 milliard dollar etib belgilandi.
Juma kuni Missuri sharqiy okrugidagi federal sudya Xitoy hukumatini pandemiya boshida koronavirus tarqalishi haqidagi maʼlumotni yashirganlikda aybdor deb topdi va unga qariyb 24 milliard dollar to‘lashni buyurdi.
Nashrning taʼkidlashicha, bu ish bo‘yicha daʼvo Missuri Bosh prokurori idorasi tomonidan 2020 yil aprel oyida sudga berilgan. Missuri rasmiylari Xitoyni koronavirus mavjudligi va uning tarqalishi haqidagi maʼlumotlarni yashirganlikda aybladi.
Missuri sudining qarori Xitoy Kommunistik partiyasi, Xitoydagi mahalliy hukumatlar va Xitoy milliy sog‘liqni saqlash va ijtimoiy maʼmuriyatiga tegishli. Missuri Bosh prokuraturasi sud daʼvosi asosida jarimani to‘lash uchun Xitoy aktivlarini musodara qilmoqchi.
XXR vakillari sud jarayonida ishtirok etmadi.
