G7 Xitoyning yadroviy arsenalining o‘sishidan xavotirda
Bu harakatlar global barqarorlikka tahdid solishi mumkin.
“Katta yettilik” (G7) davlatlari Xitoyning yadro arsenalini tez surʼatlarda kengaytirayotganidan xavotir bildirdi va uni strategik xavflarni kamaytirish uchun shaffoflikni oshirishga chaqirdi. Bu haqda Kanadaning Kvebek provinsiyasida bo‘lib o‘tgan G7 tashqi ishlar vazirlarining uchrashuvi yakunlari bo‘yicha eʼlon qilingan bayonotda aytildi.
G7 rasmiylari Xitoy harbiy kuchini oshirayotganini va yadroviy qurollanishni jadallashtirayotganidan xavotirda ekanini taʼkidladilar. Ular Pekinni yadro barqarorligini taʼminlash va global xavfsizlikni mustahkamlash yo‘lida shaffof muzokaralarga qo‘shilishga chaqirdilar.
So‘nggi yillarda Xitoy yadro qurollari sonini oshirib, global qurollanish musobaqasida faol ishtirok etayotgani haqida xalqaro xavotirlar ortib bormoqda. G7 davlatlari Pekinning bu boradagi harakatlari mintaqaviy va global barqarorlikka tahdid solishi mumkinligini taʼkidlamoqda.
