Samarqandda bir nechta oliygoh va litsey talabalariga qisqa ta’til beriladi
"Markaziy Osiyo – Yevropa Ittifoqi" sammiti sababli Samarqandda ayrim OTMlar vaqtincha yopiladi.
Samarqand shahrida bo‘lib o‘tadigan “Markaziy Osiyo – Yevropa Ittifoqi” sammiti munosabati bilan 1-5 aprel kunlari ayrim oliy ta’lim muassasalari, texnikum va akademik litseylar o‘quv jarayonini vaqtincha to‘xtatadi. Ushbu ta’til yozgi ta’til hisobidan qisqa muddatli tanaffus sifatida belgilangan.
Qisqa muddatli ta’til quyidagi ta’lim muassasalariga taalluqli:
- Samarqand davlat universiteti
- Samarqand davlat chet tillar instituti
- Samarqand iqtisodiyot va servis instituti
- “Ipak yo‘li” turizm va madaniy meros xalqaro universiteti
- Toshkent axborot texnologiyalari universitetining Samarqand filiali
- Samarqand davlat tibbiyot universiteti
- O‘zbekiston-Finlandiya pedagogika instituti
- Samarqand davlat tibbiyot universiteti akademik litseyi
- Samarqand davlat universiteti akademik litseyi
- Abu Ali ibn Sino nomidagi Siyo‘b jamoat salomatligi texnikumi
O‘quv mashg‘ulotlari 7-aprel, dushanba kuni qayta boshlanadi. Qoldirilgan darslar yozgi ta’tilning ilk kunlari hisobidan to‘ldiriladi.
