Toshkentda havo ifloslanishi me’yordan 6 baravar oshdi
Bunday darajadagi ifloslanish, nafas olish yo‘llari kasalliklarini kuchaytiradi.
3-aprel kuni Toshkent shahridagi havo sifati o‘rtacha darajada deb baholandi, biroq ifloslanish darajasi ruxsat etilgan me’yorlardan ancha yuqori bo‘ldi. IQAir portalining ma’lumotlariga ko‘ra, shahardagi havo ifloslanish indeksi (AQI) 97 ni tashkil etdi.
Shuningdek, havo tarkibidagi PM2.5 zarrachalarining kontsentratsiyasi Jahon sog‘liqni saqlash tashkiloti (JSST) tavsiya qilgan yillik norma bilan solishtirganda 6,8 baravar yuqori ekani qayd etildi. Mutaxassislar bunday darajadagi ifloslanish, nafas olish yo‘llari kasalliklarini kuchaytirishi mumkinligini ta’kidlamoqda.
