Shimoliy Koreyada birinchi kompyuter klubi ochildi
“Raqamli markaz” da kompyuter va monitorlar yo'q.
Shimoliy Koreya yetakchisi Kim Chen In yaqinda mamlakatda ochilgan birinchi "kompyuter klubi"ni shaxsan borib ko‘zdan kechirdi. Rasmiy ochilish marosimi arafasida u klub infratuzilmasi bilan tanishdi.
Qizig‘i shundaki, 300 kishiga mo‘ljallangan bu klubda kompyuterlar va monitorlar mavjud emas. Rasmiy kadrlarda binoning zamonaviy ko‘rinishi, yorqin yoritilgan zallari, ko‘plab bilyard stollari va o‘yin kreslolari aks etgan. Kompyuter texnikasi mavjud bo‘lmagani esa xalqaro kuzatuvchilar e’tiborini tortgan.
Rasmiy matbuot bu klubni "raqamli bilimlar markazi" deb atagan bo‘lsa-da, uning aniq funksiyalari va foydalanish tartibi bo‘yicha tafsilotlar berilmagan. Bu holat Shimoliy Koreyada texnologiyaga oid infratuzilmalar qanchalik rivojlanganiga oid savollarni yana bir bor kun tartibiga olib chiqdi.
