Xitoyning yangi kosmik missiyasi amalga oshirildi
Xitoy bir vaqtning o'zida olti sun’iy yo‘ldoshni orbitaga chiqardi.
Xitoy aerokosmik sohasida yana bir yirik muvaffaqiyatga erishdi: mamlakat bir vaqtning o‘zida oltita “Shiyan-27” sun’iy yo‘ldoshini koinotga uchirishga muvaffaq bo‘ldi. Bu haqda Xitoyning Aerokosmik fan va texnologiyalar korporatsiyasi (CASC) rasmiy bayonot berdi.
Mazkur sun’iy yo‘ldoshlar 13-aprel, shanba kuni ertalab Pekin vaqti bilan soat 06:51 da Shansi provinsiyasidagi Tayyuan kosmik markazidan uchirilgan. Uchirishda “Changzheng-6A” (CZ-6A) rusumidagi raketadan foydalanildi. Bu raketa Xitoyning mashhur Long March seriyasiga mansub bo‘lib, ularning 570-marta parvozidir.
Ma’lumotlarga ko‘ra, “Shiyan-27” yo‘ldoshlari quyosh bilan sinxron orbitaga (500 km balandlikda) chiqarilgan bo‘lib, ular koinot muhitini o‘rganish, tajriba asosidagi texnologik testlar o‘tkazish va kelajakdagi ilmiy tadqiqotlar uchun muhim poydevor bo‘lib xizmat qiladi.
50 metr uzunlikdagi CZ-6A raketasi ekologik toza yoqilg‘ida – kerosin va suyuq kislorod aralashmasida ishlaydi. Bu raketa Shanxay kosmik parvoz texnologiyalari akademiyasi tomonidan ishlab chiqilgan bo‘lib, to‘rtta qattiq yoqilg‘i kuchaytirgich bilan jihozlangan va 6,5 tonnagacha bo‘lgan foydali yukni orbitaga olib chiqish quvvatiga ega.
Bu muvaffaqiyat Xitoyning global kosmik poygalardagi o‘rnini yanada mustahkamlash barobarida, ilmiy tadqiqotlar salohiyatini oshirishga xizmat qiladi.
