Rossiyada mototsikl poygasi bo‘yicha jahon chempioni avtohalokatda vafot etdi
U 20 karra jahon chempioni bo'lgan.
Mototsikl poygasi bo‘yicha 20 karra jahon chempioni, rossiyalik sportchi Nikolay Krasnikov avtohalokat oqibatida vafot etdi. Fojia Ufa shahri yaqinida yuz berdi.
Rasmiy ma’lumotlarga ko‘ra, Krasnikov boshqarayotgan avtomobil qarama-qarshi yo‘nalishda kelayotgan ikki yuk mashinasi bilan to‘qnashgan. 40 yoshli sportchi tez yordam yetib kelguniga qadar voqea joyida hayotdan ko‘z yumgan.
Krasnikov muz ustida o‘tkaziladigan mototsikl poygalarida sakkiz marta shaxsiy, o‘n ikki marta esa jamoaviy hisobda jahon chempioni bo‘lgan. U, shuningdek, Rossiya kubogi va boshqa ko‘plab musobaqalar g‘olibi sifatida tanilgan.
