“Xalq nazorati” portali butun mamlakat bo‘ylab ishga tushiriladi
Portalga surat yoki video orqali murojaat qilish mumkun.
Prezident Shavkat Mirziyoyev 16-iyun kuni bo‘lib o‘tgan yig‘ilishda Toshkentda sinovdan o‘tgan “Xalq nazorati” portalini bir oy ichida butun respublika miqyosida joriy etishni topshirdi.
Ushbu elektron platforma fuqarolarga qurilish, obodonlashtirish, kommunal xizmatlar kabi muammolar yuzasidan mobil ilova orqali surat yoki video bilan bevosita murojaat qilish imkonini beradi. Murojaatlar avtomatik tarzda tegishli tashkilotlarga yo‘naltiriladi, har bir ariza uchun aniq javob muddati belgilanadi.
“Xalq nazorati” barcha vazirliklar, idoralar va hokimliklarni yagona tizimga bog‘lab, muammolarga tezkor javob berilishini ta’minlaydi. Murojaatlarning bajarilish holati portalda ochiq e’lon qilinadi, bu esa jamoatchilikka hokimlar va mutasaddilar faoliyatini nazorat qilish imkonini beradi.
Mazkur tizim dastlab 2020-yil may oyida ishga tushirilgan bo‘lib, endilikda u respublikaning barcha hududlarida joriy etilishi ko‘zda tutilmoqda.
