Britaniya Rossiyaga yangi sanksiyalar joriy etdi
Rossiyaga aloqador kompaniyalar va tankerlar qora ro‘yxatga kiritildi.
Buyuk Britaniya Rossiyaga qarshi sanksiyalarni yanada kengaytirdi. Yangi cheklovlar doirasida Rossiya bilan aloqador 10 ta kompaniya va jismoniy shaxslar, shuningdek, 20 ta neft tankeri qora ro‘yxatga kiritildi. Bu haqda Britaniya tashqi ishlar vazirligi tarqatgan hujjatda ma’lum qilindi.
Jismoniy shaxslar:
Sanksiyalar ro‘yxatiga Polsha fuqarosi Oleg Tkach hamda Buyuk Britaniya va Ukraina fuqaroligiga ega Vladimir Tutoq kiritilgan. Ular Rossiyaga elektron komponentlar yetkazib berishda gumon qilinayotgan Telperien, Bompietro Trading va Carovilli Trading kabi kompaniyalarni boshqaradi.
Yuridik shaxslar:
- Rossiya Mudofaa vazirligining Chuqur dengiz tadqiqotlari bosh boshqarmasi
- Rosneft Marine (UK) Limited
- Orion Star Group
- Birlashgan Arab Amirliklarida ro‘yxatdan o‘tgan Valegro
- Atlas aksiyadorlik jamiyati
Moliyaviy tashkilotlar:
Sanksiyalar orasida “Metallurg” nomli kredit tashkiloti ham bor. Unga rahbarlik qiluvchi Yuriy va Yegor Karasevlar ham cheklovga uchradi.
Yangi sanksiyalar to‘plami Rossiyaning harbiy imkoniyatlarini zaiflashtirish va xalqaro ta’minot zanjirlarini izdan chiqarishga qaratilgan.
