Qozon va Samaradagi jinoyatlarga o‘zbeklarning aloqasi bormi?

 

O‘zbekistonning Qozon shahridagi Bosh konsulxonasi ijtimoiy tarmoqlarda tarqalgan “O‘zbekiston fuqarolari turli jinoyatlarda ayblanmoqda” degan ma’lumotlarni rasmiy tekshiruv orqali o‘rganib chiqdi.

 

Konsulxona bergan bayonotga ko‘ra, ular o‘z konsullik okrugidagi holatlarni monitoring qilib, har bir foydalanuvchi ishiga aniqlik kiritish, kerak bo‘lganda konsullik-huquqiy yordam ko‘rsatish bilan shug‘ullanmoqda.

 

Rossiya Federatsiyasining vakolatli tuzilmalaridan olingan rasmiy javoblar hamda bosh konsulxonaning so‘rovnomalari asosida aniqlanishicha, Tatariston Respublikasida (Qozon hamda atrofidagi hududlar) hamda Samara viloyatida ro‘y bergan jinoyatlar uchun O‘zbekiston fuqarolarining ishtiroki tasdiqlanmagan. Shu sababli, ijtimoiy tarmoqlardagi ularga aloqadorlik haqida tarqalgan xabarlar haqiqatga mos kelmaydi.

 

Konsulxona bayonotida ta’kidlanishicha, barcha aniqlik kiritilgan holatlar yuzasidan yuzaga kelgan noto‘g‘ri ma’lumotlar bartaraf etilgan, yolg‘on xabarlarga asos bo‘lgan holatlar bekor qilindi.