Braziliya prezidenti: “Tramp AQShni boshqarish uchun saylangan, dunyoni emas”
Luiz Inasiu Lula da Silva Trampning xalqaro savdo borasidagi bayonotlarini tanqid qildi.
Braziliya prezidenti Luiz Inasiu Lula da Silva AQSh prezidenti Donald Trampning xalqaro savdo siyosatini keskin tanqid qildi. CNN telekanaliga bergan intervyusida u Trampni AQSh fuqarolari tomonidan ularning mamlakatini boshqarish uchun saylangani, butun dunyo ustidan hukmronlik qilish uchun emasligini ta’kidladi.
— Biz unutmasligimiz kerakki, Tramp AQShni boshqarish uchun saylangan, dunyoni emas, — dedi Lula da Silva.
Uning bu bayonoti Tramp ma’muriyati tomonidan Braziliya mahsulotlariga 50 foizlik boj solinishi ehtimoli yuzasidan bildirilgan bayonotlar ortidan yangradi. Lula da Silva bunga javoban amerikalik investorlar va kompaniyalarga berilgan ayrim ruxsatnomalarni to‘xtatib turishga ruxsat beruvchi farmonni imzoladi.
Mutaxassislarning fikricha, ikki davlat o‘rtasidagi savdo munosabatlaridagi bu taranglik global iqtisodiy aloqalarga ham ta’sir ko‘rsatishi mumkin.
