Tadbirkor milliardlab qarzi evaziga yoqilg‘i shaxobchasidan ayrilishi mumkin
Qarzdorlikni qoplash maqsadida garovdagi AYoQSh xatlovga olindi.
Farg‘onada yirik kredit qarzi yuzasidan sud qaroriga binoan majburiy ijro harakatlari boshlandi. Bu safar Oltiariq tumanida joylashgan avtomobillarga yoqilg‘i quyish shoxobchasi (AYoQSh) xatlandi.
Fuqarolik ishlari bo‘yicha Farg‘ona tumanlararo sudining 2024-yil 25-dekabrdagi qaroriga asosan, “MB.O.” MChJdan bank foydasiga 1 milliard 139 million so‘m kredit qarzdorligini undirish belgilangan.
Ushbu qarzdorlikni qoplash maqsadida, garov sifatida ko‘rsatilgan mulk – qo‘shimcha javobgar M.P.ga tegishli yoqilg‘i quyish shoxobchasi xatlovga olindi. Endi ushbu obyekt bo‘yicha keyingi huquqiy jarayonlar davom ettiriladi.
