O‘zbekiston mobil internet tezligi bo‘yicha MDHda uchinchi o‘rinni egalladi
“Speedtest Global Index” nashri internet tezligi bo‘yicha dunyo reytingini e'lon qildi.
2025-yil iyun holatiga ko‘ra, “Speedtest Global Index” tomonidan e’lon qilingan reytingda O‘zbekiston mobil internet tezligi bo‘yicha 103 davlat orasida 71-o‘rinni egalladi. Ma’lumotlarga ko‘ra, mamlakatda mobil internetning o‘rtacha tezligi 55,78 Mbit/sekundni tashkil etgan. MDH davlatlari orasida bu ko‘rsatkich bilan O‘zbekiston uchinchi o‘rinni egallab, Qozog‘iston va Rossiyadan keyin joy oldi.
Dunyo reytingida esa birinchi o‘rinda Birlashgan Arab Amirliklari turibdi — bu yerda mobil internet tezligi 546,14 Mbit/sekundni tashkil qiladi. Ikkinchi o‘rinda Qatar (517,44 Mbit/sekund), uchinchi o‘rinda esa Quvayt (378,45 Mbit/sekund) qayd etilgan. Kuchli o‘nlikdan shuningdek Bahrayn (236,77 Mbit/s), Braziliya (228,89 Mbit/s), Bolgariya (224,46 Mbit/s), Janubiy Koreya (218,06 Mbit/s), Xitoy (201,67 Mbit/s), Saudiya Arabistoni (198,39 Mbit/s) va Daniya (196,27 Mbit/s) ham o‘rin oldi.
Reytingning eng quyi pog‘onalarini esa Esvatini (18,36 Mbit/s, 101-o‘rin), Belarus (17,97 Mbit/s, 102-o‘rin) va Boliviya (13,19 Mbit/s, 103-o‘rin) egalladi.
